 Зай, иигээд, 2012 жэлнай, манай Задоровай
хэлэһээр, "хайшааб даа арилжа" ябаба. Ямар дүнгүүдые гаргахаар гээшэб? Ямар ажал энэ жэлдэ хэгдээ гээшэб гэжэ багаханаар шүүмжэлэе: Нэгэдэхеэр, энэ жэлэй манай статистика баталая: 6550 айлшад, 6322 хостнууд, 60 шахуу регистрированна багшанар, 30 мянга дахин шахуу нюурнууд ирагдажа, үдэр бүхэндэ 40-50 зон манай сайтда ороно. Америкэ, Эстони, Польшо, Германиһаашье "айлшалһан" байна. Хоердохеор, Интернет соо хаража шүүмжэлхэдэ, манай Росси гүрэндэ түрэл хэлэнэй порталнууд ехэл үсөөхэн, ехэнхидээ Татарстанай багшанар энэ талаар ехэ ажал ябуулна:
Тиихэдэнь энэ жэл "Сеть творческих учителей" гэһэн мэдээжэ портал соо "Родной язык и этнокультурный компонент" гэһэн шэнэ таһаг нээгдэжэ, эндэшье манай түрэл хэлэнэй багшанарай анхарал ехэл багахан гэжэ шүүмжэлхэдэ урмаа хухармаар.
Гурбадахяар, мүнөө манай библиотекэ соо 70 шахуу
элдэб түхэлэй материалнууд сугларанхай, тэдээн сооһоо эгээл "рейтинговыень" тэмдэглэе: Обозначение твердости\мягкости согласных с помощью гласных О-Ё, 565 харалга!-Цыденова Ц.Д., Агын 1-дэхи һургуулиин эхин классуудай багша. Внедрение электронного учебника «Буряад хэлэн» в процесс обучения бурятскому языку, 294 харалга- Ивахинова Я.Ц., РБНЛ-И №1.
Буряад хэлэнэй Сахим ном, 156 харалга-Ивахинова Я.Ц., 1-дэхи РБНЛ-Игэй мэдээжэ буряад хэлэнэй багша.
Конспекты уроков по бурятскому языку по теме: "Буряад орон"- 295 харалга, 100 буулгалта - Бадмаева Б.Ж., Улаан-Үдын 33-дахи гимназиин буряад хэлэнэй багша.
Тоогой үнгэтэ юртэмсэ соо, 125 харалга, 59 буулгалта-Бидогаева Л.Х., Баяндайн аймагай Хадайн дунда һургуулиин буряад хэлэнэй багша
Физические вопросы и задачи к текстам из бурятских сказок, 87 харалга, 41 буулгалта - Монтошкинова И.И.,Оһын аймагай Үбэсын дунда һургуулиин физикын багша
Энэ материалнуудай авторнуудта манай портал үшөө саашанхи амжалтануудые хүсэн, баярай бэшэгүүдээр тэмдэглэнэ.
Харин ямар түсэбүүдые табина гээшэбибди?
1. Элдэб шэнэ түхэлэй конкурснууд энэ жэл үнгэргэгдэхэ. Сагаалганай үеэр шэнэ стандартнуудта таарамаар хэшээлнүүдэй конкурсдо бэлдэжэ байхыетнай дурадханабди. 2. Элдэб һонин дистанционно мастер-классууд дээрэ дүй дүршэлөөрөө хубаалдажа һураа һаа, ямар ехэ
туһа бэе бэедээ хүргэхэ байна гээшэбибди! 3. Шэнэ Веб 2.0 сервисуудые шудалжа, ажалдаа хэрэглэжэ, элдэб маягай проектнүүдые бэелүүлжэ һураха тон шухала. 4. "НАЙДАЛ+" гэжэ шэнэ Google-платформо дээрэ уулзажа, танилсажа, элдэб видеоконференцинүүд дээрэ харилсажа байял даа гэжэ уринаб. Түсэбүүднай олон, ажалнай орео, тиимэшье һаань энэ хүмүүн сагта өөрынгөө бурханһаа заяаһан үүргэеэ, уялгаяа тон сэхээр дүүргэжэ, элдэб һонин шэнэ аргануудые оложо, МҮНӨӨ ҮЕ САГАЙ БУРЯАД ХЭЛЭНЭЙ БАГШЫН үндэр нэрэ зэргэдэ хүрэжэ ябахыетнай хүсэнэб!
Шэнэ жэлээр! См.открытку
|
